اسلام آباد -07 فيبروري (اي پي پي) واپار واري وفاقي وزير ڄام ڪمال خان پاڪستان ازبڪستان بزنس فورم جي موقعي تي ميڊ اِن ازبڪستان نمائش جو افتتاح ڪري ورتو. هن ازبڪ واپار واري وزير سان گڏ نمائش جو ريبن ڪٽي باقاعده افتتاح ڪيو. جاري بيان موجب ان موقعي تي ڳالهائيندي وفاقي وزير ڄام ڪمال خان چيو ته ميڊ اِن ازبڪستان نمائش پاڪستان ۽ ازبڪستان وچ ۾ واپاري ۽ صنعتي سهڪار …
واپار بابت وفاقي وزير ڄام ڪمال خان پاڪستان ازبڪستان بزنس فورم جي موقعي تي ميڊ اِن ازبڪستان نمائش جو افتتاح ڪري ڇڏيو
مزید خبریں
اسلام آباد -07 فيبروري (اي پي پي) واپار واري وفاقي وزير ڄام ڪمال خان پاڪستان ازبڪستان بزنس فورم جي موقعي تي ميڊ اِن ازبڪستان نمائش جو افتتاح ڪري ورتو. هن ازبڪ واپار واري وزير سان گڏ نمائش جو ريبن ڪٽي باقاعده افتتاح ڪيو. جاري بيان موجب ان موقعي تي ڳالهائيندي وفاقي وزير ڄام ڪمال خان چيو ته ميڊ اِن ازبڪستان نمائش پاڪستان ۽ ازبڪستان وچ ۾ واپاري ۽ صنعتي سهڪار کي هٿي ڏيڻ ۾ اهم ڪردار ادا ڪندي. اهڙيون نمائشون بزنس ٽو بزنس رابطن، گڏيل منصوبن ۽ سيڙپڪاري جا نوان موقعا پيدا ڪن ٿيون. پاڪستان ۽ ازبڪستان وچ ۾ ترجيحي واپاري معاهدي ۽ بزنس ڪائونسل ذريعي ٻه طرفي واپار ۾ وڌيڪ اضافو ٿيندو. وفاقي وزير نمائش ۾ لڳايل مختلف اسٽالز جو دورو ڪيو ۽ ازبڪ مصنوعات جي معيار ۽ روانگي واپار ڪرڻ جي صلاحيت جي تعريف ڪئي. ان موقعي تي مواصلات وارو وفاقي وزير عبدالعليم خان علائقائي رابطاڪاري ۽ انفراسٽرڪچر سهڪار کي هٿي ڏيڻ جي ضرورت تي به زور ڀريو. نمائش جي افتتاح ۾ شريڪ قومي غذائي تحفظ بابت وفاقي وزير راڻا تنوير حسين زراعت ۽ فوڊ پروسيسنگ جي شعبي ۾ سهڪار جي وسيع امڪانن کي اجاگر ڪيو. صنعت ۽ پيداوار بابت خاص مددگار هارون اختر خان صنعتي شراڪتداري ۽ سيڙپڪاري جي موقعن کي اهم قرار ڏنو. ميڊ اِن ازبڪستان نمائش ازبڪ صنعت، هٿ جي هنر ۽ ٻين مصنوعاتن کي پاڪستاني مارڪيٽ ۾ متعارف ڪرائڻ جو اثرائتو پليٽ فارم آهي.
