اسلام آباد-05 جنوري (اي پي پي)وفاقي گادي واري هنڌ اسلام آباد ۾ گذريل ڏينهن 5 فيبروري تي يوم يڪجهتي ڪشمير جي موقعي تي خصوصي ريلي ڪڍي وئي، ريلي ۾ شرڪت ڪندڙن ڪشميري عوام جي حمايت جو اظهار ڪيو ۽ گڏيل قومن جي سلامتي ڪائونسل جي قراردادن موجب پراڻي تڪرار جي پرامن حل تي زور ڀريو. چائنا چوڪ کان ڊي چوڪ تائين ڪڍيل ريلي جي قيادت ڪشمير معاملن واري وفاقي وزير …
اسلام آباد ۾ يوم يڪجهتي ڪشمير جي موقعي تي ريلي، گڏيل قومن جي حمايت يافته قراردادن تي عملدرآمد جو مطالبو
مزید خبریں
اسلام آباد-05 جنوري (اي پي پي)وفاقي گادي واري هنڌ اسلام آباد ۾ گذريل ڏينهن 5 فيبروري تي يوم يڪجهتي ڪشمير جي موقعي تي خصوصي ريلي ڪڍي وئي، ريلي ۾ شرڪت ڪندڙن ڪشميري عوام جي حمايت جو اظهار ڪيو ۽ گڏيل قومن جي سلامتي ڪائونسل جي قراردادن موجب پراڻي تڪرار جي پرامن حل تي زور ڀريو. چائنا چوڪ کان ڊي چوڪ تائين ڪڍيل ريلي جي قيادت ڪشمير معاملن واري وفاقي وزير انجنيئر امير مقام ڪئي جڏهن ته حريت نمائندن، سياسي شخصيتن ۽ شهرين جي وڏي انگ به ريلي ۾ شرڪت ڪئي. هنن ڪشميرين سان يڪجهتي جي اظهار لاءِ بينرز ۽ پلي ڪارڊز کڻي رکيا هئا. ريلي جي مقررن ڪشمير مسئلي تي عالمي ڌيان ڇڪرائڻ جي ضرورت تي زور ڀريو ۽ عالمي برادري تي زور ڀريو ته هو گڏيل قومن جي واعدن موجب پرامن حل ۾ سهولت فراهم ڪري. هنن ڪشميري عوام جي پاڪستان جي اخلاقي، سياسي ۽ سفارتي حمايت جاري رکڻ جو ورجاءُ ڪيو. واضح رهي ته هر سال 5 فيبروري تي سڄي پاڪستان ۾ يوم يڪجهتي ڪشمير ملهايو ويندو آهي ته جيئن ڪشميرين سان پنهنجي حمايت جو اظهار ڪري سگهجي ۽ تڪراري علائقي جي حل نه ٿيل حيثيت طرف ڌيان ڇڪرائي سگهجي.
