نائب وزيراعظم ۽ پرڏيهي وزير سينيٽر محمد اسحاق ڊار سان ايس اي سي پي جي چيئرمين ڊاڪٽر ڪبير احمد سڌو جي ملاقات

اسلام آباد- 04 فيبروري (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار سان چيئرمين سيڪيورٽيز اينڊ ايڪسچينج ڪميشن آف پاڪستان (ايس اي سي پي) ڊاڪٽر ڪبير احمد سڌو ملاقات ڪئي. نائب وزيراعظم جي آفيس پاران جاري بيان موجب نائب وزيراعظم اسحاق ڊار ڊاڪٽر ڪبير احمد سڌو جي لاءِ سندس نئين ذميواري سنڀالڻ تي نيڪ خواهشن جو اظهار ڪيو. ملاقات دوران ريگيوليٽري نظام کي وڌيڪ موثر بڻائڻ، مارڪيٽ جي ترقي کي اڳتي وڌائڻ ۽ هڪ مضبوط ۽ شفاف ڪيپيٽل مارڪيٽ جي فروغ سان لاڳاپيل معاملن تي خيالن جي ڏي وٺ ڪئي وئي.