وزيراعظم پاران فتنه الھندوستان پاران بلوچستان جي امن کي نشانو بڻائڻ جي ناپاڪ ڪوشش کي ناڪام بڻائڻ تي سيڪيورٽي فورسز جي واکاڻ

لاهور – 31 جنوري (اي پي پي) وزيراعظم محمد شهباز شريف فتنه الھندوستان پاران بلوچستان جي امن کي نشانو بڻائڻ جي ناپاڪ ڪوشش کي ناڪام بڻائڻ ۽ دشمن جي ارادن کي مٽيءَ ۾ ملائڻ تي سيڪيورٽي فورسز جي آفيسرن ۽ جوانن کي ساراهيو آهي. ڇنڇر ڏينهن وزيراعظم آفيس جي ميڊيا ونگ پاران جاري ڪيل هڪ بيان موجب وزيراعظم ڪوئيٽا، نوشڪي، دالبندين، پسني ۽ گوادر ۾ 12 هنڌن تي فتنه الھندوستان جي منظم حملن کي ناڪام بڻائڻ ۽ 37 دهشتگردن کي مارڻ تي سيڪيورٽي فورسز جي آفيسرن ۽ اهلڪارن جي پيشيوراڻين صلاحيتن جي واکاڻ ڪئي آهي.