اسلام آباد-22 جنوري (اي پي پي) سائنس ۽ ٽيڪنالاجي واري وفاقي وزير خالد حسين مگسي سان پيپسي ڪو جي ريگيوليٽري معاملن جي قيادت تي ٻڌل هڪ اعليٰ سطحي وفد ملاقات ڪئي. وفد ۾ نٽاليه ڊوئيڪ، نائب صدر ، گلوبل هيڊ آف ريگيوليٽري افيئرز، ورنن رخٽر، ريجنل ڊائريڪٽر شهزاد سڪندر ۽ هيڊ آف ريگيوليٽري افيئرز شامل هئا. ملاقات ۾ جدت، سائنسي بنيادن تي ٻڌل ريگيوليٽري فريم ورڪس ۽ پائيدار صنعتي ترقي …
سائنس ۽ ٽيڪنالاجي واري وفاقي وزير خالد حسين مگسي سان پيپسي ڪو جي ريگيوليٽري معاملن جي وفد جي ملاقات
مزید خبریں
اسلام آباد-22 جنوري (اي پي پي) سائنس ۽ ٽيڪنالاجي واري وفاقي وزير خالد حسين مگسي سان پيپسي ڪو جي ريگيوليٽري معاملن جي قيادت تي ٻڌل هڪ اعليٰ سطحي وفد ملاقات ڪئي. وفد ۾ نٽاليه ڊوئيڪ، نائب صدر ، گلوبل هيڊ آف ريگيوليٽري افيئرز، ورنن رخٽر، ريجنل ڊائريڪٽر شهزاد سڪندر ۽ هيڊ آف ريگيوليٽري افيئرز شامل هئا. ملاقات ۾ جدت، سائنسي بنيادن تي ٻڌل ريگيوليٽري فريم ورڪس ۽ پائيدار صنعتي ترقي لاءِ تعاون جي امڪانن تي غور ڪيو ويو. ٻنهي ڌرين تحقيق، فني ترقي ۽ ذميوراڻي ڪاروباري طرز عمل جي حوالي سان عالمي بهترين روايتن کي پاڪستان جي قومي ترجيحن سان هم آهنگ ڪرڻ جي اهميت تي زور ڀريو. ملاقات دوران اهڙي ريگيوليٽري نظام کي مضبوط بڻائڻ تي خيالن جي ڏي وٺ ڪئي وئي جيڪا جدت جي حوصلا افزائي سان گڏوگڏ صارفين جي تحفظ، ماحولياتي پائيداري ۽ عوامي اعتماد کي يقيني بڻائي. ڳالهين ۾ ثبوتن تي ٻڌل پاليسي سازي جي ڪردار کي به اجاگر ڪيو ويو جيڪو هڪ چٽاڀيٽي ۽ پائيدار صنعتي نظام کي هٿي ڏيڻ ۾ مددگار آهي. ملاقات جي پڄاڻي تي سائنس تي ٻڌل پاليسين کي هٿي ڏيڻ ۽ جدت تي ٻڌل ترقي ۽ پائيدار ترقي لاءِ عوامي ۽ نجي شعبي جي گڏيل تعاون کي وڌيڪ مضبوط بڻائڻ جي گڏيل عزم جو ورجاءُ ڪيو ويو.
