ٽوڪيو-21 جنوري (اي پي پي) اٺون پاڪستان- جاپان حڪومت- بزنس جوائنٽ ڊائلاگ ۽ پاڪستان بزنس فورم ٽوڪيو ۾ منعقد ٿيو. حڪومت- بزنس جوائنٽ ڊائلاگ جي گڏيل صدارت واپار بابت وزيراعظم جي خاص مددگار راڻا احسان افضل خان ۽ جاپان جي واپار ۽ صنعت بابت نائب پارلياماني وزير تاڪوڪو موري ڪئي. ڊائلاگ ٻنهي ملڪن جي سينيئر عملدارن ۽ نجي شعبي جي نمائندن کي گڏ ڪيو جن ۾ پاڪستان جاپان بزنس فورم …
ٽوڪيو ۾ پاڪستان- جاپان حڪومت- بزنس جوائنٽ ڊائلاگ ۽ پاڪستان بزنس فورم منعقد
مزید خبریں
ٽوڪيو-21 جنوري (اي پي پي) اٺون پاڪستان- جاپان حڪومت- بزنس جوائنٽ ڊائلاگ ۽ پاڪستان بزنس فورم ٽوڪيو ۾ منعقد ٿيو. حڪومت- بزنس جوائنٽ ڊائلاگ جي گڏيل صدارت واپار بابت وزيراعظم جي خاص مددگار راڻا احسان افضل خان ۽ جاپان جي واپار ۽ صنعت بابت نائب پارلياماني وزير تاڪوڪو موري ڪئي. ڊائلاگ ٻنهي ملڪن جي سينيئر عملدارن ۽ نجي شعبي جي نمائندن کي گڏ ڪيو جن ۾ پاڪستان جاپان بزنس فورم ۽ جاپان پاڪستان بزنس ڪوآپريشن ڪميٽيءَ جي ميمبرن ۽ اٽڪل لاڳاپيل 80 ماڻهن شرڪت ڪئي. ڳالهين دوران ٻنهي ڌُرين واپار ۽ سيڙپڪاريءَ جي ماحول کي بهتر بنائڻ ۽ عملي سهڪار کي اڳتي وڌائڻ تي ڌيان ڏيندي ٻه طرفي اقتصادي لاڳاپن کي مضبوط بنائڻ تي ڳالهيون ڪيون ويون. پاڪستاني ڌُر پاڪستان جي اقتصادي ترجيحن جو خاڪو پيش ڪيو ۽ معدنيات ۽ کاڻيون کوٽڻ، زرعي ۽ زرعي خوراڪ جي مصنوعات ۽ انفارميشن ٽيڪنالاجي جهڙن شعبن ۾ سهڪار جي موقعن کي اجاگر ڪيو. جاپاني ڌُر پاڪستان ۾ جاپاني ڪمپنين جي آپريٽنگ ماحول بابت ڳالهيون ڪيون. شرڪت ڪندڙن پاڪستان ۽ جاپان وچ ۾ گڏيل طور تي فائديمند اقتصادي سهڪار کي اڳتي وڌائڻ لاءِ نجي شعبي سان ويجهي رابطي جي مدد سان حڪومت کان حڪومت وچ ۾ پائيدار رابطن جي اهميت جو ورجاءُ ڪيو. ڊائلاگ کان پوءِ ٽوڪيو ۾ پاڪستان بزنس فورم منعقد ڪيو ويو. ٽوڪيو ۾ پاڪستان جي سفارتخاني ۽ جاپان ايڪسٽرنل ٽريڊ آرگنائيزيشن ان فورم جو انتظام جاپان جي اقتصاديات، واپار ۽ صنعت واري وزارت جي سهڪار سان ڪيو. پاڪستان بزنس فورم ۾ جاپاني ۽ پاڪستاني واپارين وڏي انگ ۾ شرڪت ڪئي. رانا احسان افضل پاڪستان بزنس فورم ۾ خاص مهمان طور شرڪت ڪئي. فورم ۾ جاپاني ۽ پاڪستاني شراڪتدارن وچ ۾ عملي سهڪار کي اجاگر ڪندڙ چونڊ شعبي جاتي آڇون به شامل هيون. فورم جي پڄاڻي جاپان ۾ مقرر پاڪستان جي سفير عبدالحميد جي پڄاڻيءَ وارن جملن سان ٿي جنهن پاڪستان جاپان اقتصادي سهڪار کي اڳتي وڌائڻ ۾ پائيدار شموليت، اعتماد سازي ۽ ڊگهي مُدي واري ڀائيواريءَ جي اهميت کي اجاگر ڪيو.
