وزيراعظم محمد شهباز شريف اربع ڏينهن ورلڊ اڪنامڪ فورم جي 56هين سالياني اجلاس جي موقعي تي ڊيووس ۾ مصروف ڏينهن گذاريندو

ڊيووس- جنوري 21 (اي پي پي) وزيراعظم محمد شهباز شريف اربع ڏينهن ورلڊ اڪنامڪ فورم جي 56هين سالياني اجلاس جي موقعي تي ڊيووس ۾ مصروف ڏينهن گذاريندو. وزيراعظم آفيس جي ميڊيا ونگ پاران جاري ڪيل بيان موجب پاڪستان جو وزيراعظم ناشتي جي تقريب ۾ شرڪت ڪندو ۽ تقريب کي خطاب به ڪندو. وزيراعظم عالمي اڳواڻن جي هڪ غير رسمي مُلاقات ۾ شرڪت ڪندو جنهن جو موضوع "هڪ ورهايل عالمي منظرنامي ۾ ڳالهه ٻولهه جي اهميت” آهي. وزيراعظم جي بين الاقوامي مالياتي فنڊ (آءِ ايم ايف) جي مئنيجنگ ڊائريڪٽر سميت مختلف عالمي اڳواڻن سان ملاقات جو به امڪان آهي.