بيجنگ-20 جنوري (اي پي پي) قومي اسيمبليءَ جي اسپيڪر سردار اياز صادق بيجنگ ۾ نيشنل پيپلز ڪانگريس جي چيئرمين زاليجي سان ملاقات ڪئي، جنهن ۾ اسپيڪر جي قيادت ۾ چين جو دؤرو ڪندڙ پارلياماني وفد جا ميمبر به موجود هئا. ملاقات ۾ پاڪ- چين سدا بهار دوستي، اسٽريٽجڪ ڀائيواري، پارلياماني رابطن ۽ گڏيل دلچسپيءَ جي معاملن تي خيالن جي ڏي وٺ ڪئي وئي. ان موقعي تي اسپيڪر چيو ته پاڪستان …
قومي اسيمبليءَ جي اسيپڪر جي نيشنل پيپلز ڪانگريس جي چيئرمين سان ملاقات
مزید خبریں
بيجنگ-20 جنوري (اي پي پي) قومي اسيمبليءَ جي اسپيڪر سردار اياز صادق بيجنگ ۾ نيشنل پيپلز ڪانگريس جي چيئرمين زاليجي سان ملاقات ڪئي، جنهن ۾ اسپيڪر جي قيادت ۾ چين جو دؤرو ڪندڙ پارلياماني وفد جا ميمبر به موجود هئا. ملاقات ۾ پاڪ- چين سدا بهار دوستي، اسٽريٽجڪ ڀائيواري، پارلياماني رابطن ۽ گڏيل دلچسپيءَ جي معاملن تي خيالن جي ڏي وٺ ڪئي وئي. ان موقعي تي اسپيڪر چيو ته پاڪستان کي چين سان پنهنجي بي مثال دوستيءَ تي فخر آهي. پاڪ- چين دوستي گڏيل احترام ۽ اعتماد جي مضبوط بنيادن تي ٻَڌل آهي. ٻنهي ملڪن جو عوام هڪٻئي سان دوستي جي اڻٽٽ ٻنڌڻ ۾ ٻَڌل آهي. اسپيڪر پاڪ -چين پارلياماني رابطن کي هٿي وٺرائڻ ۽ پارلياماني فرينڊشپ گروپس کي وڌيڪ فعال بڻائڻ تي زور ڀريو ۽ چيو ته پارلياماني رابطن کي هٿي وٺرائڻ سان ٻه طرفا ناتا ۽ جٽادار ڀائيواري وڌيڪ مضبوط ٿيندي. پاڪ- چين جٽادار ڀائيواري خطي ۾ پائيدار امن، ترقي ۽ خوشحاليءَ لاءِ اڻٽر آهي. هن چيو ته 75 سالن تي ٻَڌل دوستي ۽ گڏيل احترام تي ٻَڌل پاڪ- چين پارلياماني ۽ سفارتي ناتا دنيا لاءِ مثال آهن. سي پيڪ منصوبو پوري خطي لاءِ گيم چينجر جي حيثيت رکي ٿو. اسپيڪر ، چيئرمين زاليجي طرفان پاڪستاني وفد جو شاندار استقبال ۽ مهمان نوازيءَ تي شڪريو ادا ڪيو. اسپيڪر، نيشنل پيپلز ڪانگريس جي چيئرمين کي پاڪستان جي دؤري جي دعوت ڏني. چيئرمين، اسيپڪر جي چين بابت تاثرن کي ساراهيو ۽ چيو ته چين پاڪستان سان پنهنجي پُراڻي دوستيءَ وارن ناتن کي قدر جي نگاهه سان ڏسي ٿو. چيئرمين پاڪستان سان جٽادار ڀائيواريءَ کي مضبوط بنائڻ جي عزم جو ورجاءُ ڪيو.
