انڊونيشيا جي سماترا ٻيٽ ۾ ٻوڏ ۽ مٽيءَ جون ڇپون ڪرڻ سبب فوتين جو انگ وڌي 846 ٿي ويو، 547 ماڻهو لاپتا

جڪارته-05 ڊسمبر (اي پي پي) انڊونيشيا جي سماترا ٻيٽ ۾ ٻوڏ ۽ لينڊ سلائيڊنگ سبب فوتين جو انگ وڌي 846 ٿي ويو آهي جڏهن ته 547 ماڻهو اڃان تائين لاپتا آهن. پرڏيهي ميڊيا مطابق انڊونيشيا جي نيشنل ڊزاسٽر مينيجمينٽ ايجنسي ٻڌايو ته اها تباهي گذريل هڪ هفتي کان جاري شديد برساتن سبب ٿي آهي. مٽيءَ جون ڇپون ڪرڻ سبب گهرن، روڊن ۽ اهم بنيادي ڍانچي کي شديد نقصان پهتو آهي جنهن سبب وڌيڪ متاثر علائقن ۾ ريسڪيو آپريشن انتهائي مشڪل بڻجي ويو آهي.