ترڪيه ايف -16 ۽ ايف – 35 جهڙن جديد ويڙهاڪ جهازن کي نشانو بڻائڻ جي صلاحيت رکندڙ ڊرون جهاز تيار ڪرڻ ۾ ڪامياب

استنبول -02 ڊسمبر (اي پي پي) ترڪيه ايف -16 ۽ ايف – 35 جهڙن جديد ويڙهاڪ جهازن کي نشانو بڻائڻ جي صلاحيت رکندڙ ڊرون جهاز تيار ڪرڻ ۾ ڪاميابي جي دعويٰ ڪئي آهي جنهن ۾ پائليٽ جهاز جي ڪاڪ پٽ جي بدران زمين تي محفوظ ماحول ۾ ويهي جهاز ۽ ان جي آپريشنز کي ڪنٽرول ڪندو. پرڏيهي ميڊيا رپورٽ مطابق ترڪيه جي پهرين يو اي وي (بغير پائليٽ ويڙهاڪ ڊرون جهاز) بائيڪار بائيراڪتر ڪزل الماه هڪ تجربي دوران ايف- 16 جهاز کي بصري حدن کان ٻاهر (بي وي آر) فضائي ميزائيل کان هدف بڻائڻ جي دعويٰ ڪئي آهي جنهن کي دفاعي صنعت جي تاريخي ڪاميابي قرار ڏنو پيو وڃي.