آمريڪي رياست ڪيليفورنيا ۾ سالگره تقريب دوران فائرنگ ۾ 4 ڄڻا فوت

ڪيليفورنيا- 30 نومبر (اي پي پي) آمريڪي رياست ڪيليفورنيا جي شهر اسٽاڪٽن ۾ فائرنگ جي هڪ واقعي ۾ 4 ڄڻا فوت ۽ 10 زخمي ٿي پيا. پرڏيهي ميڊيا مطابق فائرنگ جو واقعو هڪ ٻار جي سالگرهه تقريب ۾ پيش آيو. فرانسيسي خابرو اداري مطابق آمريڪي عملدارن ان واقعي کي ٽارگيٽڊ واقعو قرار ڏنو آهي. سن جوان ڪائونٽي شيرف آفيس سوشل ميڊيا تي ٻڌايو ته 14 ڄڻا فائرنگ ۾ زخمي ٿيا جن ۾ 4 فوت ٿي چڪا آهن. هن وڌيڪ ٻڌايو ته هن وقت فائرنگ بابت ڄاڻ محدود آهي. شروعاتي ڄاڻ مطابق اهو ٽارگيٽڊ واقعو ٿي سگهي ٿو ۽ جاچ ڪندڙ سمورن امڪانن جو جائزو وٺي رهيا آهن.