سرينگر ۾ نومبر دوران شديد سردي جو 17 سالن جو رڪارڊ ٽٽي ويو، زوجيلا پاس ۾ گرمي پد ڪاٽو 16 ڊگري سينٽي گريڊ رڪارڊ

سرينگر-28 نومبر (اي پي پي) ڀارت جي غير قانوني قبضي هيٺ ڄمون ڪشمير جي گرمائي گادي واري شهر سرينگر ۾ نومبر دوران شديد سردي جو 17 سالن جو رڪارڊ ٽٽي ويو، جمعي جي صبح سرينگر ايئرپورٽ جو گرمي پد ڪاٽو 6.4 ڊگري سينٽي گريڊ تائين ڪري پيو، وادي جي علائقي زوجيلا پاس ۾ گرمي پد ڪاٽو 16 ڊگري سينٽي گريڊ تائين ڪري چڪو آهي. پرڏيهي ميڊيا موجب جمعي جي صبح سرينگر جي ڪجهه علائقن ۾ گرمي پد 4.5 ڊگري سينٽي گريڊ جڏهن ته ايئرپورٽ تي گرمي پد ڪاٽو 6.4 سينٽي گريڊ رڪارڊ ڪيو ويو. وادي ڪشمير جي ڪيترن ئي ضلعن ۾ صورتحال وڌيڪ خراب آهي. شوپيان ۾ گرمي پد ڪاٽو 6.7 ڊگري سينٽي گريڊ رڪارڊ ڪيو ويو، شديد سردي سبب سرينگر جي ڊل ڍنڍ ۾ شڪار ڪندڙن ۽ سرينگر بازار جي دڪاندارن جو ڪاروبار متاثر ٿيو آهي، سرينگر شهر جي ڪيترن ئي علائقن ۾ شديد سردي سبب پاڻي جي فراهمي پڻ معطل آهي. وادي جي هڪ ٻي علائقي زوجيلا پاس ۾ گرمي پد ڪاٽو 16 ڊگري سينٽي گريڊ تائين ڪري چڪو آهي. موسميات کاتي ايندڙ ڏينهن ۾ علائقي ۾ سردي جي شدت ۾ اضافي جي اڳڪٿي ڪئي آهي.