نائب وزيراعظم اسحاق ڊار جي ايس سي او ميمبر ملڪن جي قيادت سان گڏ روسي صدر ولاديمير پيوٽن سان ملاقات

اسلام آباد – 18 نومبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار ايس سي او ميمبر ملڪن جي قيادت سان گڏ روسي صدر ولاديمير پيوٽن سان ملاقات ڪئي. پرڏيهي آفيس پاران جاري بيان موجب صدر پيوٽن ايس سي او وفدن جي آجيان ڪندي خطي ۾ اقتصادي تعاون جي فروغ جي اهميت تي زور ڏنو ۽ چيو ته ايس سي او رابطن، استحڪام ۽ گڏيل مفاد تي ٻڌل ترقي جي لاءِ هڪ اهم پليٽ فارم جو ڪردار ادا ڪري ٿو.