وزيراعظم محمد شهباز شريف پاران سنڌ جي اڳوڻي وڏي وزير ۽ قومي اسيمبلي ميمبر مرحوم آفتاب شعبان ميراڻي جي گهرڀاتين سان تعزيت جو اظهار

ڪراچي – 17 نومبر (اي پي پي) وزيراعظم محمد شهباز شريف ڪراچي ۾ سنڌ جي اڳوڻي وڏي وزير ۽ قومي اسيمبلي ميمبر مرحوم آفتاب شعبان ميراڻي جي گهر ويو جتي هن آفتاب شعبان ميراڻي جي گهرڀاتين سان تعزيت جو اظهار ڪيو. اطلاعات ۽ نشريات وارو وفاقي وزير عطاءُ الله تارڙ، ريلوي وارو وفاقي وزير حنيف عباسي، خاص معاون طلحيٰ برڪي، سنڌ جو وڏو وزير سيد مراد علي شاهه پڻ وزيراعظم سان گڏ هئا. وزيراعظم محمد شهباز شريف آفتاب شعبان ميراڻي جي گهرڀاتين سان دلي تعزيت ۽ همدرديءَ جو اظهار ڪيو ۽ مرحوم جي درجن جي بلندي لاءِ دعا ڪئي.