ايندڙن لاءِ نيڪ جذبا آهن: آزاد ڪشمير جو وزيراعظم

اسلام آباد -17 نومبر (اي پي پي) آزاد ڪشمير جي وزيراعظم چوڌري انوار الحق چيو آهي ته ٻه سال ڇهه مهينن کان وڌيڪ عوام جي خدمت ڪرڻ تي خوش آهيان ۽ ايندڙن جي ڪاميابي لاءِ دعاڳو آهيان. اسلام آباد کان مظفر آباد روانو ٿيڻ کان اڳ ميڊيا سان ڳالهائيندي هن چيو ته اڄوڪي ڏينهن جي حوالي سان الله پاڪ جو شڪر ادا ڪرڻ چاهيان ٿو ۽ ايندڙن لاءِ به نيڪ جذبا آهن ته الله سائين انهن کي ڪامياب ڪري. هن چيو ته ڇهن مهينن لاءِ وزيراعظم جي عهدي جي دعا ڪئي هئي ته جيئن عوام جي خدمت ڪري سگهان، اڄ ٻن سالن کان پوءِ اقتدار ڇڏي رهيو آهيان جنهن تي خوشي آهي.