نائب وزيراعظم محمد اسحاق ڊار کي پرڏيهي سيڪريٽري ۽ پرڏيهي آفيس جي آفيسرن پاران علائقائي اڳڀرائي بابت بريفنگ

اسلام آباد – 05 نومبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار کي پرڏيهي سيڪريٽري ۽ پرڏيهي آفيس جي لاڳاپيل آفيسرن علائقائي اڳڀرائي ۽ ايندڙ عالمي مصروفيتن بابت جامع بريفنگ ڏني. پرڏيهي آفيس جي ترجمان پاران جاري بيان موجب نائب وزيراعظم ان موقعي تي هدايت ڪئي ته پاڪستان جي سفارتڪاري جي مقصد جي وضاحت، اسٽريٽجڪ دورانديشي ۽ عالمي سطح تي فعال مصروفيت سان رهنمائي ڪئي وڃي.