نائب وزيراعظم ۽ پرڏيهي وزير سينيٽر محمد اسحاق ڊار استنبول پهچي ويو

انقره – 03 نومبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار استنبول پهچي ويو آهي جتي هو جمهوريه ترڪيه جي پرڏيهي وزير هاڪان فيدان جي ميزباني ۾ ٿيندڙ اجلاس ۾ شرڪت ڪندو. پرڏيهي آفيس پاران جاري بيان موجب اجلاس ۾ غزه جي تازي صورتحال تي خيالن جي ڏي وٺ ڪئي وئي. استنبول پهچڻ تي نائب وزيراعظم ۽ پرڏيهي وزير سينيٽر اسحاق ڊار جي آجيان ترڪيه جي پرڏيهي وزارت جي پروٽوڪول ڊائريڪٽر جنرل سفير احمد جميل مير اوغلو ۽ پاڪستان جي سفارتخاني جي عملدارن ڪئي.