چين جو نئون ريموٽ سينسنگ سيٽلائٽ زمين جي چوڌاري مدار ۾ پهچي ويو

بيجنگ-03 نومبر(اي پي پي) چين جي ڏکڻ صوبي هائنان جي وين چانگ اسپيس ڪرافٽ لانچ سينٽر تان هڪ نئون ريموٽ سينسگ سيٽلائٽ ياوگان -46 ڪاميابي سان زمين جي چوڌاري مدار ۾ پهچي ويو. پرڏيهي ميڊيا موجب سيٽلائٽ کي بيجنگ جي مقامي وقت موجب صبح جو 11 لڳي 47 منٽن تي ترميم شده لانگ مارچ 7 ڪيريئر راڪٽ ذريعي لانچ ڪيو ويو جيڪو ڪاميابي سان پنهنجي مقرر مدار ۾ داخل ٿي ويو. اهو سيٽلائٽ آفتن کان بچاءَ ۽ امداد، زمين جي وسيلن جي سروي، آبي جيوت، موسميات ۽ ٻين شعبن ۾ استعمال ڪيو ويندو. اهو لانگ مارچ ڪيريئر راڪٽ سيريز جو 605 هون مشن هيو .