سنڌ جي گورنر پاران بلوچستان ۾ ”فتنه الهندوستان“ جي 18 دهشتگردن جي مارجڻ تي سيڪيورٽي فورسز کي خراج تحسين پيش

ڪراچي-30 آڪٽوبر (اي پي پي) سنڌ جي گورنر ڪامران خان ٽيسوري بلوچستان ۾ ”فتنه الهندوستان“ جي 18 دهشتگردن جي مارجڻ تي سيڪيورٽي فورسز کي خراج تحسين پيش ڪندي چيو آهي ته انٽيليجنس بيسڊ آپريشن وسيلي دهشتگردن جو چونڊي چونڊي خاتمو قابل تحسين آهي. گورنر هائوس مان جاري پريس رليز موجب گورنر وڌيڪ چيو ته پاڪستان ۾ دهشتگردن ۽ سندن سرپرستن لاءِ ڪا جاءِ ناهي. آخري دهشتگرد جي خاتمي تائين انٽيليجنس بيسڊ آپريشن جاري رهندا.