واپار واري وفاقي وزير ڄام ڪمال خان ۽ وزيراعظم جي خاص مددگار هارون اختر جي صدارت ۾ واپار واري وزارت ۾ اجلاس

اسلام آباد-30 آڪٽوبر (اي پي پي) واپار واري وفاقي وزير ڄام ڪمال خان ۽ صنعت بابت وزيراعظم جي خاص مددگار هارون اختر خان جي صدارت ۾ واپار واري وزارت ۾ هڪ اعليٰ سطحي  اجلاس ٿيو جنهن ۾ آٽو موٽيو سيڪٽر لاءِ پاليسي قدمن، استعمال ٿيل ڪارن جي امپورٽ جي ريگوليشن ۽ مقامي مينوفيڪچررز ۽ سمنڊ پار پاڪستانين لاءِ سهولت فراهم ڪرڻ جو جائزو ورتو ويو. اجلاس ۾ پاڪستان آٽو موٽيو مينوفيڪچررز ايسوسيئيشن (پي اي ايم اي) ۽ پاڪستان ايسوسيئيشن آف آٽوموٽيو پارٽس اينڊ پروسيسريز مينوفيڪچررز (پي اي اي پي اي ايم) جي وفدن کانسواءِ واپار واري وزارت، صنعت واري وزارت ۽ ايف بي آر جي سينئر عملدارن شرڪت ڪئي. اجلاس کي خطاب ۾ ڄام ڪمال چيو ته استعمال ٿيل ڪارن جي ڪمرشل امپورٽ کولڻ کانپوءِ آٽوموبائيل ۽ آٽو پارٽس جي صنعت جي صورتحال جو جائزو وٺڻ ۽ سمنڊ پار پاڪستانين طرفان گاڏين جي امپورٽ جي مختلف اسڪيمن تي غور ڪرڻو هو جڏهن ته ان ڳالهه جي يقيني بڻائڻ هو ته حقيقي سمنڊ پار پاڪستانين کي شفاف طريقيڪار ذريعي سهولت فراهم ڪئي وڃي. وفاقي وزير ڄام ڪمال چيو ته اي ڊي بي طرفان متعارف ڪرايل پري شپمنٽ ۽ پوسٽ شپمنٽ انسپيڪشن جي نظام کي متعارف ڪرائڻ ۽ ڪوالٽي ڪنٽرول جي سخت قدمن تي عملدرآمد بابت استعمال ٿيل ڪار جي واپاري امپورٽ جي غلط استعمال جي موثر طريقي سان حوصلا شڪني ٿيندي. هن چيو ته معيار جي معائني کي لاڳو ڪري ۽ واضح درآمدي قانونن جي وضاحت ڪري، اسان جو مقصد پاڪستان جي صنعتي ترقي جي حمايت ڪندي تعميل ۽ شفافيت کي هٿي ڏيڻ آهي. هن ان ڳالهه جي تصديق ڪئي ته وزارت جي ترجيح مقامي صنعت ۽ صنعتڪارن کي سهولت فراهم ڪرڻ آهي، جنهن سان مقامي شعبي کي وڌيڪ چٽاڀيٽي ۽ پاڻڀرو بڻجڻ ۾ مدد ملندي. واپار واري وزارت ٻڌايو ته وزارت استعمال ٿيل گاڏين جي امپورٽ جي مختلف اسڪيمن ۾ ترميمن لاءِ تجويزون جوڙي رهي آهي جتي اسڪيمن جي واپاري استحصال جي امڪانن کي گهٽ ڪيو ويندو. هن چيو ته ڪمرشل استعمال ٿيل گاڏين جي امپورٽ تي اضافي 40 سيڪڙو ريگوليٽري ڊيوٽي لاڳو ڪئي وئي آهي، جيڪا هر سال گهٽ ڪري مقامي آٽو موٽيو انڊسٽري لاءِ متوازن ترغيبي ڍانچو فراهم ڪندي جڏهن ته منصفاڻي مارڪيٽ جي حرڪتن کي يقيني بڻائيندي. اجلاس ۾ سامان، تحفي ۽ رهائشي اسڪيمن جي منتقلي کي هم آهنگ ڪرڻ جي تجويز جو به جائزو ورتو ويو. عملدارن ٻڌايو ته موجوده فريم ورڪ تحت، بيگيج اسڪيم لاءِ اهليت لاءِ 6 مهينا ٻاهرين ملڪ رهڻ ضروري آهي. صنعت طرفان تجويز ڪيل سمورين ٽنهي اسڪيمن ۾ اهليت جي مدي کي وڌ کان وڌ مدي تائين معياري بڻايو وڃي، ريگوليٽري عمل کي آسان بڻايو وڃي. خاص مددگار هارون اختر انڊسٽري جي تعميري مصروفيتن کي ساراهيو ۽ ڪامرس ۽ انڊسٽري ڊويزن وچ ۾ ويجهي رابطاڪاري جي ضرورت تي زور ڀريو. هن چيو ته ان طرح جي گڏيل مشاورت هڪ پائيدار ۽ چٽاڀيٽي وارو آٽو موٽيو ماحولياتي نظام جي تعمير لاءِ ضروري آهي. هن ٻنهي واپاري ادارن جي حوصلا افزائي ڪئي ته هو ايندڙ اٽو موبائيل پاليسي تي فوري طور تي تجويزن جي سهڪار ڪن ڇاڪاڻ ته وقت تمام گهٽ آهي ۽ صنعت واري وزارت نومبر تائين ان کي حتمي شڪل ڏيڻ لاءِ ڪم ڪري رهي آهي. ڳالهين دوران اي اي پي ايم اي ۽ پي اي ايم اي جي نمائندن لوڪلائيزيشن، وينڊر ڊولپمينٽ، ٽيرف ريشنلائيزيشن ۽ ريسرچ اينڊ ڊولپمينٽ مراعتن جي باري ۾ تفصيلي تجويزون پيش ڪيون. وفاقي وزير صنعت کي هدايت ڪئي ته هو هڪ ڊگهي مدي واري آٽو موٽيو پاليسي لاءِ جامع تجويزون پيش ڪن جيڪي قومي صنعتي مقصدن سان هم آهنگ هجن. هن چيو ته اسان جو مقصد نه رڳو امپورٽ ۾ غلط استعمال تي ضابطو آڻڻ آهي پر مقامي مينوفيڪچرنگ کي مضبوط بڻائڻ ۽ عالمي چٽاڀيٽي لاءِ پاڪستان جي صلاحيت کي وڌائڻ آهي.