ڀارت ۽ چين وچ ۾ پنجن سالن بعد سڌيءَ ريت اڏامون بحال

نئين دهلي- 27 آڪٽوبر (اي پي پي) ڀارت پنجن سالن جي وقفي بعد چين جي سرزمين تي ڀارت ۽ چين وچ ۾ سڌيءَ ريت اڏامون بحال ڪيون آهن. پرڏيهي ميڊيا مطابق ڀارتي اختيارين مطابق گذريل ڏينهن ڪولڪته کان چين جي شهر گوانگ زو لاءِ پهرين اڏام رواني ڪئي وئي جنهن ۾ 176 مسافر سوار هئا. واضح رهي ته ڀارت ۽ چين وچ ۾ سال 2020ع جي شروعات تائين اڏم سروس جاري هئي پر ڪووڊ-19 جي وبا بعد انهن کي معطل ڪيو ويو هو.