وزيراعظم محمد شهباز شريف پاران سهيل آفريدي کي خيبرپختونخواهه جو وڏو وزير چونڊجڻ تي مبارڪباد

اسلام آباد – 16 آڪٽوبر (اي پي پي) وزيراعظم محمد شهباز شريف سهيل آفريدي کي خيبرپختونخواهه جو وڏو وزير چونڊجڻ تي مبارڪباد ڏني آهي. وزيراعظم محمد شهباز شريف ۽ خيبرپختونخواهه جي وڏي وزير سهيل آفريدي جو ٽيليفون تي رابطو ٿيو. وزيراعظم آفيس جي ميڊيا ونگ پاران جاري بيان موجب وزيراعظم شهباز شريف سهيل آفريدي کي وڏو وزير چونڊجڻ تي مبارڪباد ڏني. هن چيو ته پاڪستان جي مفاد ۾ وفاق توهان سان گڏجي هلڻ لاءِ تيار آهي.