ٽپال سروس عوام کي ڳنڍڻ جو اعتماد جوڳو ذريعو آهي: سنڌ جو گورنر

ڪراچي-09 آڪٽوبر (اي پي پي)سنڌ جي گورنر ڪامران خان ٽيسوري ٽپال جي عالمي ڏينهن تي پنهنجي خصوصي پيغام ۾ پوسٽل سروسز جي ملازمن کي خراج تحسين پيش ڪندي چيو آهي ته ٽپال سروس عوام کي ڳنڍڻ جو اعتماد جوڳو ذريعو آهي. گورنر هائوس مان جاري بيان موجب هن چيو ته ٽپال جو نظام عوامي خدمت، اعتماد ۽ پهچ جو بهترين مثال آهي. هن سال جو ٿيم PostFor People Local, Service Global Reach، عوامي خدمت جي عالمي جذبي ۽ گڏيل رابطي جي بهترين عڪاسي ڪري ٿو. هن چيو ته جديد ٽيڪنالاجي جي هن دور ۾ به ٽپال سروس عوامي رابطي جو فخر جوڳو ورثو آهي.