وزيراعظم شنگھائي تعاون تنظيم جي 25هين سربراهي اجلاس ۾ شرڪت لاءِ چين جي شهر تيانجن پهتو

تيانجن– 01 – سيپٽمبر (اي پي پي) وزيراعظم محمد شهباز شريف شنگھائي تعاون تنظيم جي 25هين سربراهي اجلاس ۾ شرڪت لاءِ چين جي شهر تيانجن پهتو. سومر ڏينهن ڪنوينشن سينٽر پهچڻ تي شنگھائي تعاون تنظيم جي سربراهي اجلاس ۾ شرڪت ڪندڙ اڳواڻن جو هڪ گروپ فوٽو سيشن منعقد ڪيو ويو جنهن ۾ وزيراعظم محمد شهباز شريف شرڪت ڪئي. اجلاس ۾ اهم عالمي اڳواڻن سميت ڪيترن ئي ميمبر ملڪن جا سربراهه به شامل آهن. اجلاس جي شروعات باضابطه طور تي چيني صدر شي جن پنگ جي افتتاحي تقرير سان ٿي. هن ايس سي او جي هيستائين جي مقصدن، هدفن ۽ ڪاميابين تي روشني وڌي ۽ چيو ته ايس سي او وقت سان گڏ هڪ قدآور تنظيم بڻجي چڪي آهي. هي تنظيم گڏيل اعتماد ۽ فائدي جي اصولن تحت اڳتي وڌي رهي آهي. ايس سي او ملڪن ۾ تعاون وڌائڻ جي وسيع صلاحيت ۽ گنجائش آهي، جنهن کي استعمال ڪرڻ جي ضرورت آهي. هن واپار ۽ معيشت سميت مختلف شعبن ۾ موجود موقعن مان فائدو کڻڻ جي ضرورت تي زور ڏنو ۽ چيو ته ماڻهن کي ويجهو آڻڻو پوندو.