اسحاق ڊار بنگلاديش جي حڪومت جي دعوت تي 23 کان 24 آگسٽ 2025ع تي بنگلاديش جو سرڪاري دورو ڪندو

اسلام آباد – 22 آگسٽ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار بنگلاديش جي حڪومت جي دعوت تي 23 کان 24 آگسٽ 2025ع تي بنگلاديش جو سرڪاري دورو ڪندو. پرڏيهي آفيس جي ترجمان پاران جاري بيان موجب نائب وزيراعظم ۽ پرڏيهي وزير ٻن ڏينهن جي دوري دوران ڍاڪا ۾ بنگلاديشي اهم اڳواڻن چيف ايڊوائيزر پروفيسر محمد يونس ۽ پرڏيهي معاملن واري صلاحڪار محمد توحيد حسين سميت اهم شخصيتن سان ملاقاتون ڪندو. انهن ملاقاتن دوران ٻطرفي لاڳاپن ۽ ڪيترن ئي علائقائي ۽ عالمي معاملن تي خيالن جي ڏي وٺ ڪئي ويندي.