نائب وزيراعظم ۽ پرڏيهي وزير سينيٽر محمد اسحاق ڊار سان گڏيل عرب امارات جي سفير جي الوداعي ملاقات

اسلام آباد – 22 آگسٽ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار سان گڏيل عرب امارات جي سفير حماد عبيد ابراهيم سالم الزعابي پاڪستان ۾ پنهنجي مقرري جو مدو مڪمل ٿيڻ تي الوداعي ملاقات ڪئي. پرڏيهي آفيس جي ترجمان ٻڌايو ته نائب وزيراعظم ۽ پرڏيهي وزير پاڪستان ۽ يو اي جي لاڳاپن کي وڌيڪ مستحڪم بڻائڻ ۾ سفير جي خدمتن کي ساراهيو. هن ٻنهي ملڪن جي وچ ۾ ويجهي تعاون کي جاري رکڻ ۽ ان جي ايندڙ ذميوارين جي لاءِ نيڪ خواهشن جو اظهار ڪيو.