تهران -21 جولاءِ (اي پي پي) ايران خبردار ڪيو آهي، ته برطانيه، فرانس ۽ جرمني کي تهران تي پابندين جي بحالي لاءِ سنيپ بيڪ ميڪنزم کي متحرڪ ڪري گڏيل قومن جي سلامتي ڪائونسل جي ساک کي مجروح نه ڪرڻ گهرجي. پرڏيهي ميڊيا مطابق ايران جي پرڏيهي وزير سيد عباس عراقچي ايڪس تي جاري پيغام ۾ چيو ته اي ٿري ۾ 2015ع واري ايٽمي معاهدي جي شقن يا گڏيل قومن جي …
برطانيه، فرانس ۽ جرمني، ايران تي پابندين جي بحالي لاءِ گڏيل قومن جي سلامتي ڪائونسل جي ساک کي مجروح نه ڪن: عباس عراقچي
مزید خبریں
تهران -21 جولاءِ (اي پي پي) ايران خبردار ڪيو آهي، ته برطانيه، فرانس ۽ جرمني کي تهران تي پابندين جي بحالي لاءِ سنيپ بيڪ ميڪنزم کي متحرڪ ڪري گڏيل قومن جي سلامتي ڪائونسل جي ساک کي مجروح نه ڪرڻ گهرجي. پرڏيهي ميڊيا مطابق ايران جي پرڏيهي وزير سيد عباس عراقچي ايڪس تي جاري پيغام ۾ چيو ته اي ٿري ۾ 2015ع واري ايٽمي معاهدي جي شقن يا گڏيل قومن جي سلامتي ڪائونسل جي ٺهراءَ 2231 جي درخواست ڪرڻ لاءِ ”قانوني، سياسي، ۽ اخلاقي حيثيت“ جي کوٽ آهي، ڇاڪاڻ ته هي ايران طرفان معاهدي تي عمل نه ڪرڻ صورت ۾ ان خلاف عالمي پابندين کي ٻيهر لاڳو ڪرڻ جي اجازت ڏني وئي آهي. هن چيو ته 2018ع ۾ آمريڪا جي گڏيل جامع پلان آف ايڪشن تان هٿ کڻڻ کان پوءِ ايران تدارڪ وارا قدم کڻڻ کان اڳ تڪرار جي حل جي طريقيڪار کي ختم ڪري ڇڏيو جنهن جو سبب اهو هو ته اي ٿري پنهنجن واعدن جو احترام ڪرڻ ۾ ناڪام رهيو ۽ ايستائين جو آمريڪي وڌ کان وڌ دٻاءَ جي پاليسي جي حمايت ڪئي. ياد رهي ته ان کان اڳ ميڊيا رپورٽ ۾ چيو ويو هو ته ايران ۽ اي ٿري تهران جي ايٽمي پروگرام تي ڳالهيون ٻيهر شروع ڪرڻ تي اتفاق ڪيو آهي.
