گڏيل عرب امارات جو نائب وزيراعظم ۽ پرڏيهي وزير 20 کان 21 اپريل تائين پاڪستان جو سرڪاري دورو ڪندو: پرڏيهي آفيس

اسلام آباد – 18 – اپريل (اي پي پي) گڏيل عرب امارات جو نائب وزيراعظم ۽ پرڏيهي وزير شيخ عبدالله بن زيد النهيان 20 کان 21 اپريل تائين پاڪستان جو سرڪاري دورو ڪندو. اها ڳالهه پرڏيهي آفيس جي ترجمان شفقت علي خان پريس بريفنگ ۾ ٻڌائي. هن چيو ته اعليٰ سطح جو اهو دورو پاڪستان ۽ گڏيل عرب امارات جي وچ ۾ گهري ڀائراڻي لاڳاپن جي عڪاسي ڪري ٿو ۽ گڏيل دلچسپي جي سمورن شعبن ۾ ٻطرفي تعاون کي مضبوط بڻائڻ جي لاءِ ٻنهي ملڪن جي گڏيل عزم کي اجاگر ڪري ٿو.