رياض-05 اپريل (اي پي پي ) سعودي عرب جي ولي عهد شهزادو محمد بن سلمان ۽ اردن جي حڪمران شاهه عبدالله ثاني ٽيلي فون تي رابطو ڪيو آهي. اردو نيوز موجب ٻنهي رهنمائن برادر ملڪن ۽ عوام جي وچ ۾ مضبوط تاريخي تعلق ، وچ اوڀر ۽ غزه ۾ ٿيل مسئلي تي اڳڀرائي بابت خيالن جي ڏي وٺ ڪئي سعودي ولي عهد ۽ اردني فرمانروا ٻه رياستي حل جي بنياد تي فلسطين جي مسئلي جو سياسي حل ڳولهڻ جي ضرورت تي زور ڏنو جيڪو جون 1967 جي سرحدن سان هڪ آزاد ۽ خودمختيار فلسطيني رياست جي قيام جي ضمانت ڏيندو آهي جنهن جو گادي وارو هنڌ بيتالمقدس هجي . اردن جي فرمانروا ٻنهي ملڪن جي تعلق جي سطح تي فخر جو اظهار ۽ سمورن شعبن ۾ مستحڪم ڪرڻ جي خواهش ظاهر ڪئي سعودي ولي عهد اردن جي سلامتي ۽ استحڪام جي حوالي سان اردني حڪومت پاران کنيل قدمن مملڪت ۽ يجي حمايت جو اظهار ڪندي چيو ته سعودي عرب انهن حالتن ۾ برادر ملڪ اردن سان گڏ آهي .
