نيوزيلينڊ وومينز پهرين ون ڊي انٽر نيشنل ميچ ۾ پاڪستان وومينز کي 131 رنسن تان هارائي ڇڏيو

ڪوئنز ٽائون _12 ڊسمبر (اي پي پي ) سوزي بيٽس جي سنچري جي بدولت نيوزيلينڊ وومينز پاڪستان وومينز کي پهرين هڪ ڏينهن واري عالمي ڪرڪيٽ ميچ ۾ وڏي مارجن 131 رنسن تان شڪست ڏئي ٽن ميچن جي سيريز ۾ 1-0 جي سرسي حاصل ڪري ورتي . سوزي بيٽس 108 رنسن جي شاندار اننگز کيڏي ڪري پنهنجي ٽيم جي فتح ۾ اهم ڪردار ادا ڪيو ۽ ان شاندار ڪارڪردگي تي کيس ميچ جي بهترين رانديگر قرار ڏنو ويو .