عزه – 16 نومبر (اي پي پي) اسرائيلي فوج غزه جي سڀني کان وڏي اسپتال الشفا ميڊيڪل ڪمپليڪس کي بلڊوزر سان ڊاهڻ شروع ڪري ڇڏيو آهي. فرانسيسي خابرو اداري مطابق غزه پٽي جي صحت واري وزارت خميس تي بيان ۾ چيو ته اسرائيلي فوج غزه جي الشفا اسپتال جي ڏکڻ واري داخلي رستي کي بلڊوزر سان تباهه ڪري ڇڏيو آهي ۽ بلڊوزر اسپتال اندر بيهاري ڇڏيا آهن. اسرائيلي فوج جو چوڻ آهي ته اسپتال ڪمپليڪس ۾ آپريشن جاري آهي. غزه پٽي ۾ اسرائيلي فوج جي آپريشنز جي سربراهه ميجر جنرل يارون فنڪل مين فوج جي ٽيلي گرام چينل تي ٻڌايو ته اسان الشفا اسپتال ۾ آپريشن شروع ڪيو آهي ۽ اسان مسلسل اڳتي وڌي رهيا آهيون.
