رياض -09 آڪٽوبر (اي پي پي) فلسطين اٿارٽيءَ اسرائيل جي جارحيت بند ڪرائڻ لاءِ عرب پرڏيهي وزيرن جو غيرمعمولي اجلاس طلب ڪرڻ جي درخواست ڪئي آهي. سعودي اخبار مطابق عرب ليگ جي معاون سيڪريٽري جنرل حسام ذڪي چيو آهي، ته جنرل سيڪريٽريٽ کي فلسطين طرفان عرب پرڏيهي وزيرن جو هنگامي اجلاس سڏائڻ جي حوالي سان درخواست ملي وئي آهي. هن چيو ته عرب ليگ جنرل سيڪريٽريٽ مراڪش سميت ڪيترن ئي ملڪن جو جلد اجلاس سڏائڻ جي سلسلي ۾ مشاورت ڪري رهي آهي. مراڪش هن وقت عرب ليگ سيشن جو سربراهه آهي، ڪوشش آهي ته اجلاس ۾ وڌ کان وڌ عرب پرڏيهي وزير شرڪت ڪن.
