رياض_ 06 آڪٽوبر(اي پي پي) سعودي عرب مسجد اقصيٰ ۾ اسرائيلي فوج جي ڇڪتاڻ وارين ڪارواين جي مذمت ڪئي آهي، ميڊيا رپورٽن موجب سعودي عرب جي پرڏيهي وزارت مسجد اقصي ۾ اسرائيلي قابض فوج جي ڇڪتاڻ وارين ڪارواين تي افسوس ۽ مذمت ڪندي چيو آهي ته ان قسم جون اسرائيلي ڪاروايون عالمي امن جي ڪوششن کي نقصان پهچائڻ ۽ مقدس جاين جي احترام واري عالمي قانوني جي خلاف آهن، سعودي پرڏيهي وزارت ان ڳالهه تي زور ڀريو آهي ان قسم جي قدمن سان سڄي دنيا ۾ مسلمانن جي جذبن کي ڇيهو رسي ٿو، بيان ۾ عالمي برادري کان مطالبو ڪيو ويو آهي ته اها اسرائيلي قبضي کي ختم ڪرائڻ ۽ شهرين کي ضروري تحفظ فراهم ڪندي تڪرار کي مستقل بنيادن تي ختم ڪرڻ لاءِ ڪوششن کي تيز ڪري.
