اسلام آباد – 24 مارچ (اي پي پي) وزيراعظم محمد نواز شريف چيو آهي ته پاڪستان ۽ سريلنڪا سارڪ جا مقصد حاصل ڪرڻ لاءِ گڏجي ڪم ڪري سگهن ٿا. هن اها ڳالهه وزيراعظم هائوس ۾ پاڪ سريلنڪا فرينڊشپ ٽريڊ اينڊ انويسٽمينٽ ايسوسيئيشن جي صدر افتخار عزيز سان ملاقات ۾ چئي جنهن کي صدر طرفان تمغه خدمت جو اعزاز عطا ڪيو ويو آهي. ايسوسيئيشن جو نائب صدر ۽ سيڪريٽري جنرل به افتخار عزيز سان گڏ هو. وزيراعظم محمد نواز شريف پنهنجي سريلنڪن هم منصب رانيل وڪراما سنگهي سان عالمي اقتصادي فورم جي موقعي تي ٿيندڙ ملاقات جو ذڪر ڪندي چيو ته پاڪستان ۽ سريلنڪا سارڪ جا مقصد حاصل ڪرڻ لاءِ گڏجي ڪم ڪري سگهن ٿا.
