اسلام آباد – 24 مارچ (اي پي پي) صدر ممنون حسين چيو آهي ته سعودي عرب ۾ رهندڙ 26 لک پاڪستاني سرزمين حرمين جي دفاع ۽ سلامتي جي لاءِ هر وقت تيار آهن، صدر ممنون حسين اها ڳالهه ايوان صدر ۾ سعودي عرب جي عهدو ڇڏيندڙ سفير عبدالله مرزوڪ الزهراني سان ملاقات دوران چئي. صدر چيو ته سعودي عرب هڪ اهم مسلم ملڪ آهي ۽ پاڪستان سعودي عرب سان لاڳاپن کي تمام گهڻي اهميت ڏي ٿو. ان لاءِ هر پاڪستاني جي دل ۾ سعودي عرب ۽ سعودي عوام جي لاءِ بي پناهه محبت آهي.
