ڪوئيٽا – 30 مئي (اي پي پي) وزيراعظم شاهد خاقان عباسي چيو آهي ته آئيني مدو مڪمل ڪرڻ کانپوءِ اقتدار جي احسن انداز ۾ منتقلي جمهوري استحڪام جو رخ اهم سنگ ميل آهي، گذريل 5 سالن دوران چئلينجن جي باوجود دهشتگردي جو خاتمو، سيڪيورٽي معاملن ۽ توانائي بحران تي ضابطو آندو آهي، چونڊيل عوامي حڪومت پنهنجي 5 سالن جي دور ۾ اهي ڪم به ڪيا جيڪي گذريل 65 سالن ۾ نه ڪيا ويا، اسان کي سياسي اختلافن کان مٿانهون ٿي بلوچستان جي ترقي لاءِ ڪم ڪرڻو پوندو. اهڙن خيالن جو اظهار هن ڪوئيٽا ۾ بلوچستان جي پهرين ۽ ملڪ جي پنجين نيشنل انڪوبيشن سينٽر جي افتتاحي تقريب کي خطاب ڪندي ڪيو.
