اسلام آباد – 08 اپريل (اي پي پي) صدر ممنون حسين چيو آهي ته انتهاپسندي جي گمراهه ڪندڙ انداز فڪر جي خاتمي لاءِ دين جي تعليم جي روشني ۾ جوابي بيانيه وقت جي اهم ضرورت آهي جنهن جي تياري جي لاءِ اسلامي دنيا جا دانشور گڏجي ڪم ڪن ۽ ان سلسلي ۾ ويجهو رابطو رکن، دهشتگردي هڪ عالمگير فتنو آهي جنهن کي منهن ڏيڻ جي لاءِ متفقه حڪمت عملي اختيار ڪرڻ جي ضرورت آهي. صدر ممنون حسين اها ڳالهه امام ڪعبه شيخ صالح محمد بن طالب سان ڳالهائيندي چئي جنهن ايوان صدر ۾ ساڻس ملاقات ڪئي.
