اسلام آباد – 03 مارچ (اي پي پي) پاڪستان واضح ڪيو آهي ته ملڪ مان پڪڙجندڙ ڀارتي جاسوس ڪل ڀوشن ياديو کي ڀارت جي حوالي نه ڪيو ويندو، ان جي خلاف ايف آءِ آر تيار ڪئي وئي آهي، جڏهن ته ڀارتي حڪومت کي ان حوالي سان هڪ سوالنامو به موڪليو ويو آهي، سينيٽ جي اجلاس ۾ سوالن جي وقفي دوران سرتاج عزيز چيو ته ڪينيڊا ۾ پاڪستاني سفارتخاني ۾ گهڻو ڪري شڪايتون مشين ريڊ ايبل پاسپورٽ ۽ نادرا ڪارڊ جي پراسيسنگ ۾ دير بابت هونديون آهن، اهي شڪايتون فوري طور تي نادرا هيڊڪوارٽر کي موڪليون وينديون آهن، پاڪستان جي داخلي معاملن ۾ ڀارتي مداخلت ۽ دهشتگردي جي واقعن ۾ ملوث هئڻ بابت گڏيل قومن جي سيڪريٽري جنرل کي آگاهه ڪيو ويو آهي، اسان جي موقف کي پذيرائي ملي رهي آهي، ڪل ڀوشن ياديو جي خلاف ايف آءِ آر تيار ڪئي پئي وڃي، ڀارت جي حڪومت کي هڪ سوال نامو ڏنو ويو آهي
