اسلام آباد – 06 مارچ (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته پاڪستان ترقي جي راهه تي گامزن ٿي چڪو آهي، پائيدار ترقي جا هدف حاصل ڪرڻ ۾ ويزن 2025ع جو اهم ڪردار آهي حڪومت ملڪ ۾ آدمشماري ڪرائڻ جي لاءِ پرعزم آهي، آدمشماري ڪرائڻ جو فيصلو اهم سنگ ميل ثابت ٿيندو. پائيدار ترقي جي هدفن بابت صحت ۽ غزائيت جي چئلينجن تي ورڪشاپ کي خطاب ڪندي مريم اورنگزيب چيو ته پاڪستان ۽ خطي جي ملڪن کي پائيدار ترقي حاصل ڪرڻ ۾ مشڪلات درپيش آهن، 2013ع کانپوءِ پاڪستان ترقي جي راهه تي گامزن ٿي چڪو آهي، پائيدار ترقي جا هدف حاصل ڪرڻ ۾ ويزن 2025ع جو اهم ڪردار آهي.
