اسلام آباد – 09 آڪٽوبر (اي پي پي) وفاقي گهرو وزير چوڌري نثار علي خان جي هدايت تي منشيات جي خاتمي واري فورس (اي اين ايف) منشيات جي اسمگلنگ جي روڪٿام جي لاءِ بينظير ڀٽو انٽرنيشنل ايئرپورٽ اسلام آباد ۽ جناح انٽرنيشنل ايئرپورٽ ڪراچي سميت ملڪ جي چئن وڏن ايئرپورٽس تي جسماني تلاشي جي لاءِ جديد اسڪينرز هنيا ويا آهن. ذريعن اي پي پي کي ٻڌايو ته جديد ٽيڪنالاجي جي ڪري پاڪستان جي سرزمين منشيات کان پاڪ سفر يقيني بڻائڻ جي لاءِ اهي جديد اسڪينرز بينظير ڀٽو انٽرنيشنل ايئرپورٽ، علامه اقبال انٽرنيشنل ايئرپورٽ لاهور ۽ جناح انٽرنيشنل ايئرپورٽ ڪراچي ۾ هنيا ويا آهن جيڪي باقاعده آپريشنل آهن.
