اسلام آباد – 20 نومبر (اي پي پي) پاڪستان مسلم ليگ (ن) جي ترجمان سينيٽر ڊاڪٽر آصف ڪرماڻي تحريڪ انصاف جي چيئرمين عمران خان پاران اڳوڻي وزيراعظم بابت ڏنل بيان تي ردعمل جو اظهار ڪندي چيو آهي ته اڳوڻو وزيراعظم محمد نواز شريف ووٽ جي تقدس ۽ جمهوريت جي مضبوطي لاءِ عوام سان رابطو ڪري رهيو آهي. جاري پڌرائي ۾ سينيٽر ڊاڪٽر آصف ڪرماڻي چيو ته عوام کي اتساهڻ، ڪوڙا الزام هڻڻ ۽ اخلاق کان ڪريل ڳالهه ٻولهه ڪرڻ رڳو عمران خان جو شيوو آهي.
