اسلام آباد – 18 نومبر (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته پاڪستان ۾ سياسي ۽ جمهوري استحڪام اچي رهيو آهي، پاڪستان ۾ جمهوريت کي سگهه ملي رهي آهي، پاڪستان ۾ هاڻي اهو ئي ٿيندو جيڪو عوام چاهيندي، چونڊون پنهنجي مقرر وقت تي ٿينديون، ملڪ ۾ امن قائم ڪرڻ جي لاءِ وفاقي ۽ صوبائي حڪومتن جو تمام اهم ڪردار آهي. اهڙن خيالن جو اظهار هن پاڪستان اسپورٽس ڪامپليڪس اسلام آباد ۾ اٽلي ۽ پاڪستان جي وچ ۾ عالمي رگبي ليگ مئچ جي پڄاڻي تي خصوصي مهمان جي حيثيت سان خطاب ۽ صحافين سان ڳالهائيندي ڪيو.
