اسلام آباد – 30 آگسٽ (اي پي پي) وزيراعظم عمران خان والاريل ڪشمير ۾ قتلام جو خدشو ظاهر ڪندي چيو آهي ته جيڪڏهن دنيا ڪشمير ۽ ڪشمير جي عوام تي ڀارتي يلغار کي روڪڻ جي لاءِ ڪجهه نه ڪيو ته ٻن ائٽمي رياستن جي وچ ۾ امڪاني سڌوسنئون فوجي ڇڪتاڻ سان پوري دنيا تي اثر پوندا، ڀارت پاران والاريل ڪشمير جي ناجائز الحاق جو فيصلو واپس وٺڻ، ڪرفيو جو خاتمو ۽ پنهنجي فوج کي بيرڪن ۾ واپس موڪلڻ کانپوءِ ئي ڳالهيون شروع ٿي سگهن ٿيون، ڪشمير جي حوالي سان عالمي برادري واپار ۽ ڪاروباري مفادن کان مٿانهون ٿي سوچي. هن اهڙن خيالن جو اظهار آمريڪا جي ناليواري اخبار نيويارڪ ٽائيمز ۾ پنهنجي هڪ مضمون ۾ ڪيو جنهن جو عنوان ”دنيا ڪشمير کي نظرانداز نه ٿي ڪري سگهي، اسان سڀ خطري ۾ آهيون“ هو“ ۾ ڪيو.
