اسلام آباد – 27 آگسٽ (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته ڀارت پاران رياستي ڏاڍ جي ذريعي ڪشميرين جي آواز کي دٻائڻ هاڻي ناممڪن آهي، پاڪستان ڪشمير مسئلي جي حل لاءِ هر آپشن استعمال ڪندو. نجي ٽي وي جي پروگرام ۾ ڳالهه ٻولهه دوران خصوصي معاون چيو ته اسان دنيا کي نه رڳو اهو باور ڪرائينداسين پر وزيراعظم عمران خان جي قيادت ۾ موجوده حڪومت ان سميت دستياب سمورا آپشن استعمال ۾ آڻيندي ۽ ڀارت جو مڪروهه چهرو دنيا جي آڏو بي نقاب ڪندي.
