اسلام آباد – 22 آگسٽ (اي پي پي) وزيراعظم عمران خان چيو آهي ته پاڪستاني جوانن ۾ تمام گهڻي صلاحيت موجود آهي ۽ مناسب موقعا ملڻ تي هو هر ميدان ۾ پنهنجي صلاحيتن کي مڃرائين ٿا، ڪامياب جوان پروگرام نه رڳو نوجوانن کي روزگار جي فراهمي پر ننڍي ۽ وچين درجي جي صنعتن جي ترقي جي فروغ ۾ پڻ مددگار ثابت ٿيندو. وزيراعظم عمران خان اهڙو اظهار نوجوانن جي ترقي ۽ انهن کي ڪاروباري موقعا فراهم ڪرڻ جي سلسلي ۾ شروع ڪيل ڪامياب جوان پروگرام تي بريفنگ وٺڻ دوران ڪيو.
