اسلام آباد – 18 آگسٽ (اي پي پي) وزيراعظم عمران خان عالمي برادري تي زور ڏنو آهي ته هو هندستان جي جوهري هٿيارن جي تحفظ ۽ سلامتي تي سنجيدگي سان غور ڪري جيڪي فاشسٽ، نسل پرست هندو بالادست مودي حڪومت جي ڪنٽرول ۾ آهن، اهو هڪ اهڙو مسئلو آهي جنهن سان خطي پر سڄي دنيا تي به اثر پئجي سگهي ٿو، والاريل ڪشمير ۾ گهيريل 90 لک ڪشميرين جي زندگي خطري ۾ آهي، وزيراعظم عمران خان پنهنجي هڪ ٽوئيٽ پيغام ۾ چيو ته والاريل ڪشمير جي صورتحال تي دنيا ۾ خطري جون گهنٽيون وڄڻ گهرجن، هن گڏيل قومن کان مطالبو ڪيو ته هو والاريل ڪشمير ۾ پنهنجا مبصرين موڪلي.
