اسلام آباد – 16 آگسٽ (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته والاريل ڪشمير ۾ ظلمن سان نام نهاد سيڪيولر رياست ڀارت جو ڀيانڪ مهانڊو بي نقاب ٿي چڪو آهي، ڀارت والاريل وادي ۾ ڪشميرين جي نسل ڪشي ڪري رهيو آهي، ڀارت سدائين عالمي قانونن کي پنهنجي پيرن هيٺيان لتاڙيندو رهندو آهي، جيڪڏهن والاريل وادي ۾ نسل ڪشي جو عمل جاري رهيو ته بوسنيا ۽ روهينگيا جهڙين حالتن کي منهن ڏيڻو پوندو، جيڪڏهن گڏيل قومون پنهنجون ذميداريون پوريون ڪرڻ ۾ ناڪام رهيون ته ڪشميرين لاءِ اهو سڀ ڪجهه ڪرڻ تي مجبور ٿينداسين جيڪو انسانيت لاءِ ڪرڻ گهرجي، اهڙن خيالن جو اظهار هن پنهنجي هڪ وڊيو بيان ۾ ڪيو.
