APP31-15 PESHAWAR: August 15 - Advisor to PM on Information and Broadcasting Dr. Firdous Ashiq Awan addressing in connection with Black Day at Press Club. APP Photo by Shaheryar Anjum

پشاور – 15 آگسٽ (اي پي پي) وزيراعظم عمران خان جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته ڪارو ڏينهن ملهائڻ جو مقصد انساني حقن جي عالمي تنظيمن کي جهنجهوڙڻ ۽ انهن کي ڀارتي والاريل ڪشمير ۾ ڪيل انسانيت جي تذليل کان آگاهه ڪرڻ آهي، سلامتي ڪائونسل جو اجلاس ڀارت جي ان دعويٰ تي ڪاري ضرب آهي ته ڪشمير ان جو اندروني معاملو آهي، مهذب دنيا مودي جي غير قانوني ۽ هڪ طرفي قدمن جو نوٽيس وٺي رهي آهي. خميس ڏينهن پشاور پريس ڪلب ۾ ڪاري ڏينهن جي حوالي سان ٿيندڙ سيمينار کي خطاب ڪندي ڊاڪٽر فردوس عاشق اعواڻ چيو ته سڄي پاڪستان جي پريس ڪلبن هر اول دستو بڻجي ميڊيا جي فورم تان ڀارتي يوم آزادي جي موقعي تي پشاور پريس ڪلب ۾ هندستان جو يوم بربادي ملهائڻ جو فيصلو ڪيو آهي جيڪو خوش آئنده ۽ تحسين جي قابل آهي، هن چيو ته اڄ ڪاري ڏينهن جي موقعي تي پاڪستان سميت سڄي دنيا ۾ ريليون ۽ جلوس ڪڍيا پيا وڃن.

متعلقہ مضامینمصنف کی طرف سے مزید