اسلام آباد – 06 مارچ (اي پي پي) صدر ڊاڪٽر عارف علوي نوجوانن کي جديد دور جي گهرجن موجب ڊجيٽل ڪمونيڪيشن جي ميدان ۾ دستياب موقعن مان فائدو حاصل ڪرڻ ۽ نئين پاڪستان جا مقصد حاصل ڪرڻ جي لاءِ سائنس ۽ ٽيڪنالاجي جي شعبن ۾ اڳتي وڌڻ تي زور ڏيندي چيو آهي ته پاڪستان سائنس جي شعبي ۾ تيزي سان ترقي ڪري رهيو آهي، يونيورسٽيون تعليمي نصاب کي عالمي معيار موجب جوڙين جڏهن ته اسان کي مختلف شعبن ۾ ٽيڪنالاجي جي استعمال کي وڌيڪ فروغ ڏيڻ جي ضرورت آهي، هن اها ڳالهه بحريه يونيورسٽي ۾ مواصلات، ڪمپيوٽنگ ۽ ڊجيٽل نظام جي باري ۾ ٻن ڏينهن واري ڪانفرنس جي افتتاحي سيشن کي خطاب ڪندي چئي.
