اسلام آباد – 05 آڪٽوبر (اي پي پي) اطلاعات ۽ نشريات واري مملڪتي وزير مريم اورنگزيب چيو آهي ته انٽيلي جنس ايجنسي طرفان پارليامينٽ جي ميمبرن جي ڪالعدم تنظيمن سان رابطن جي حوالي سان سامهون ايندڙ بوگس خط تي ڪابينا سخت نوٽيس ورتو آهي، قومي اسيمبلي جي ڊپٽي اسپيڪر مرتضيٰ جاويد عباسي سميت ٻين ان معاملي تي پيمرا ۾ ڌار ڌار شڪايتون درج ڪرايون آهن، پيمرا جي ڪائونسل آف ڪمپلينٽس ان معاملي جي ٻڌڻي ڪري رهي آهي، قومي اسيمبلي ۾ بين الصوبائي رابطن واري وفاقي وزير رياض حسين پيرزاده جي اعتراض واري نقطي جي جواب ۾ مملڪتي وزير مريم اورنگزيب چيو ته منهنجي به ڊائريڪٽر جنرل انٽيلي جنس بيورو سان ڳالهه ٿي هئي.
